Page:Prodromus coptus sive aegyptiacus (1636).djvu/201

From GATE
The printable version is no longer supported and may have rendering errors. Please update your browser bookmarks and please use the default browser print function instead.
There was a problem when proofreading this page


CAPUT VII.
De affinitate Linguae Coptae, sive Aegyptiacae ad Graecam, eiusque corruptione successu temporis facta


Propinquitas, quam Copta seu antiqua Aegyptia ad linguam Graecam obtinet, ea est; ut, num haec ab illa, an ab hac illa profluxerit, dispici vix possit. Unde non male eam antiquissimam Graecam dicere possemus. Verisimile enim est, Aegyptiam una cum literis a Cadmo et Phoenice post Deucalionis diluvium, si Plinio et Eusebio credimus, in Graeciam primum transportatam, ibidem filiam, nempe linguam Graecam peperisse; Imo Graecos quoque ab Aegyptiis per literas numerandi rationem accepisse, satis ostendit litera Copta , quae sicut sextum in ordine literarum obtinet, ita senarii quoque index est. Quam et Graeci in hunc diem pro figura senarii usurpant, aliumque extra numeros usum non habet. Quod signum luculentum est linguam Aegyptiam in Graecia novam Coloniam instituisse; quae postea sensim exculta, brevi ingentia incrementa