Page:Prodromus coptus sive aegyptiacus (1636).djvu/150

propagatores; sed et veteres Aegyptios eorumque Hieromantas, et philosophos cum dictis Regionibus ingens habuisse ultro citroque commercium, varia Aegyptiorum in iis relicta testantur monumenta. Inter ea Ormus seu Hormuz nobilissima Perfici sinus Urbs, prima Aegyptiorum in Perfia Colonia, et commoda iis qui in Indiam traiicere volunt, statio, quamque ab Hermete Aegyptio, (a quo et nomen habet; Hormoz enim Arabibus ide est, quod Graecis Ερμῆς Mercurius) aedificatam, Haithon tradit l. de Tartaris c. 6. Iterum Reges Perfiae Aelius Spartiaanus, ab Osiride, Psammossires dictos asserit; nec imperite, Osiridem. n. primum in eas partes et dein in Indiam concessisse, Urbisque exstructis populos ad meliorem vivendi normam redegisse, Diodorus sequentibus verbis tradit.

Hinc per Arabiam, secus mare Rubrum ad Indos usque et Orbis habitabilis fines perrexit.