Page:Prodromus coptus sive aegyptiacus (1636).djvu/132

From GATE
Revision as of 06:22, 30 March 2018 by ViscontiPaci (talk | contribs)
There was a problem when proofreading this page


Melek alrassuli Aethiopice Negus Chauvariavi dicitur. Magnum et latum ipsorum Aethiopum in Asia Imperium fuisse indicio sunt Cruces Aethiopicae; quae in Iapan, Sina, et alibi visuntur; quin et Templum Thomae Apostoli in Regione Maabar situm, nil nisi Aethiopicum habet, Cruces, structuram, et multa alia, et quod mireris nomen. hucusque Scaliger. E quo discursu, bene quidem colligitur, ex Aethiopia in Indiam, Chinam, et caeteras Asiae Regiones Colonias quasdam, quae fidem Christianam illis in locis propagarent, traductas, quod et nos modo nitimur ostendere; At quod Presbyterum Ioannem origine Afrum, aut ex Asia pulsum in Aethiopia Rerum potitum postmodum resedisse, dicat; omnino confictum est, et omni fundamento, ut postea videbimus, caret. Diversos enim fuisse Imperatores Africanum, et Asiaticum, magna meliorum Auctorum pars mecum consentit. Atque Asiatici quidem Imperium multos annos floruit, donec ad Davidem quendam perventum, qui ut Paulus Marcus Venetus tradit, a quodam duce Cinge dicto (qui in Imperatorem electus a Scythis, pro Presbytero Uncam caepit appellari) praelio cum ingente rei Christianae detrimento victus, et Imperii gloriae, et Presbyteri Ioannis nomini finem imposuit. Quo tamen errore Presbyteri Ioannis nomen Abassino Imperatori datum sit, rem