Page:Prodromus coptus sive aegyptiacus (1636).djvu/132

From GATE
Revision as of 10:12, 21 March 2018 by Lorenzo Mancini (talk | contribs) (ManciniWiki moved page Page:Prodromus coptus sive aegyptiacus (1636).pdf/132 to Page:Prodromus coptus sive aegyptiacus (1636).djvu/132: Text replacement - "(1636).pdf/" to "(1636).djvu/")
There was a problem when proofreading this page


Melek alrassuli Aethiopice Negus Chauuariaui dicitur. Magnum et latum ipsorum Aethiopum in Asea Imperium Fuisse indicio sunt Cruces Aethiopice; quae in Iapa, Sina, et alibi visuntur; quin et Templum Thomae Apostoli in Regione Maabar situm, nil nis Aethiopicum habet, Cruces, structuram, et multa alia, et quod mideris nomen. Hucusque§; Scaliger. E quo discursu, benè quidem colligitur, ex Aethiopia in India, China, et caeteras Asiae Regiones Colonias quasdam, quae fidem Christinam illis in locis propagarent, traductas, quod et nos modo nitimur ostendere; at quod Presbyterum Ioannem origine Afrum, aut ex Asia Pulsu in Aethiopia Rerum potitum postmodum resedisse, dicat; omnino cofictum est, et omni fundamento, ut postea videbimus, caret. Diuersos enim fuisse Imperatores Africanum, et Asiaticum, magna melioru Auctorum pars mecum consentit. Atque Asiatici quidem Imperium multos annos floruit, donec ad Dauidem quendam peruetum, qui ut Paulus Marcus Venetus tradit, a quodam duce Cinge dicto ( qui in Imperatorem electus a Scythis, proPresbytero Uncam caepit appellari ) praelio cum ingente rei Christianae detrimento victus, et Imperi gloriae, et Presbyteri Ioannis nomini finem imposuit. Quo tamen errore Presbyteri Ioannis nomen Abassino Imperatori datum sit, rem