Page:Prodromus coptus sive aegyptiacus (1636).djvu/13

From GATE
Revision as of 13:55, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has been proofread


His igitur rationibus motus ecce Prodromus iste Coptus seu Aegyptiacus, tandem post diuturna itineris difficilis pericula, laboresque varios integer et incolumis Eminentissimo conspectui tuo se sistit, uti novarum, ita rararum reconditissimarumque rerum Nuncius fidelis. Tuum erit, eam quam rerum novarum proscaenia soles fronte eum excipere. Et si enim fermo eius fuerit simplicior, et prima fronte nescio quid impolitum, et asperum prae se tulerit, placebit tamen ni fallor mira quaedam eius in loquendo varietas, et quod rei caput, rerum incognitarum multiplex manifestatio, alio autem eum fine non praemisi, quam ut, quid in reliquo de sacris Aegyptiorum sculpturis secuturis operibus molirer patefacerem, et quàm ingens linguarum exterarum notitia secretioribus studiis et disciplinis lumen adferret, propalàm demonstrarem. Quod si vero id expectationi tuae non ita responderit, excuses id velim, ceu opus non nisi subcesivarum horarum elucubratione partum. Alterum vero opus (quod hoc tanto futurum est excellentius, quanto non immerito altior et sublimior Philosophia Grammaticam censeri solet.) Hieroglyphicorum, inquam, aenigmatum redivivum Oedipum, omnen prioris defectum facilè suppleturum tibi persuadeas. Hoc