Page:Prodromus coptus sive aegyptiacus (1636).djvu/117

From GATE
Revision as of 17:36, 9 January 2018 by Visconti03 (talk | contribs)
This page has not been proofread


controversia, antè omnia aliqua deipso eiusque; Regnis ad clariorem rerum explicationem, adferemus. Quemadmodum igitur Aegyptiorum Reges primum Pharaones, deinde Ptolomęi, Mauritanorum Seriphii, Persarum Xerses quondam, et Artaxerxes, nunc Sophi dicuntur, ita Presbyteri Ioannis nomen quorundam Christianorum Principum à longo iam tempore denotat dignitatem. Quos quidem non apud Aethiopes, aut in ulla alia Africae parte, ut perperam multi opinantur; sed in Asia imperasse peritiores conveniunt, quo tamen loco imperium habuerit, non est omnino compertum. Nam, quod quidam scripserunt eos fuisse Reges Cathaię, magis dubiam rem facit, cum hisce proximis annis cognitum sit, quicquid Cathaium est, ad Sinas pertinere, nec urbem esse ullam, aut regnum hac voce dictum, quod nunc extra Sinarum terminos reperiatur. Sic enim à Mathaeo Riccio Societ. Iesu apud Sinas Praeposito, geographica demonstratione priùs inventum, et postea à Benedicto Goezio eiusdem Societatis ex Regno Mogor Profecto, Cathaiumquè terrestri itinere ex industria investigante, satis exploratum. Non crederem ego procul à vero dissitum, praeter illam terrae partem, quae Cathai nomine intra Sinarum limites à nostris reperta est, aliam esse orbis plagam