Page:Prodromus coptus sive aegyptiacus (1636).djvu/111

From GATE
Revision as of 12:48, 27 December 2017 by Visconti03 (talk | contribs) (→‎Problematic)
(diff) ← Older revision | Latest revision (diff) | Newer revision → (diff)
There was a problem when proofreading this page


Syro-caldaica, in caeteris cum anni Iuliani quantitate, et forma congruunt, nisi quod dies intercalaris in hac aera adijciatur ad finem mensis Sabath, qui Februario nostro respondet. His praenotaris primordia Regni graecorum statuimus cum Eusebio, Scaligero, aliisquè anno ante Christi aeram trecentesimo decimo fluente, quo acta est Olympias 117. iuxta Chronicon Alexandrinum; si quidem in confesso est, Alexandrum Magnum mortuum esse eo anno, quo caepit Olympias 114 postremis diebus mensis hecatombaeonis, ut Plutarchus scribit, nempe antè aeram Christi 322 (natus enim est Christus 3° anno exclusivè Olympiad: 194.) differunt igitur anni Regni graecorum ineuntes ab annis Christi labentibus 310. ita ut primo anno Christi inierit annus Regni graecorum 313. Undè sit, ut si ad annum Christi propositum adijciantur 310, exurgat annus Alexandraeus illo Christi anno labente exoriens; Si anno Alexandraeo detrahantur 310, remaneat annus Christi, quo Alexandraeus ille aperitur. Si deniquè annus Alexandręus subtrahatur à 310 numerus relictus indicet annum ante aeram Christi, quo caepit annus ille graecorum; sivè quo initium fuit aerae Alexandri,, uti Arabes, et AEgyptii eam appellant.
His igitur ita demonstratis. Si ab anno Alexandręo