Page:Organum mathematicum libris IX. explicatum (1668).djvu/910

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has not been proofread


Polygraphia nova, edita anno 1663. Qui Liber cum in paucorum manus venerit (pauca enim exemplaria, in solorum Principum gratiam impressa fuere) ut habeant Principum ac Nobilium Instructores unde lucem hauriant, ordinate et clare exponam hic, quidquid ad illam intelligendam et opere ipso exercendam necessarium aut utile judicavero; brevius tamen subinde, quam in Schola Steganographica, in cujus Classe quarta idem artificium alicui visum fuerit, citatum locum consulere poterit. Addam insuper, ut initio quoque Libri hujus dixi, novas quasdem praxes antehac aut nunquam evulgatas, aut paucis cognitas.

CAPUT III.

Explicatur artificum Steganographicum praecedenti Libello propositum, et ope Tabellarum dissectarum perficiendum.

Artificium Steganographicum, praecedenti Libello propositum, tale est, ut quilibet aut scribendo propriam aut ex alio describendo Epistolam de quacunque materia, idiomate quocunque, possit sub illa occultare quemvis arcanum sensum ita, ut nullus alius Espistolam legens, praeter eum, qui eiusdem artificii conscius est, in secreti latentis non dico notitiam, sed ne suspicionem quidem veniat. Ad quod quidem artificium, ex mente Auctoris, quatuor requiruntur: nimirum primo Tabellae