Page:Organum mathematicum libris IX. explicatum (1668).djvu/907

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has not been proofread


quae quispiam non nisi Consiliariis aut Secretariis nota esse velit: cujusmodi esse possent haec verba: State cauti, inimici nostri cras venient et caetera, et hisce similia.
Hunc sensum sub quolibet cujuslibet linguae conceptu, etiamsi eam ignoraris, recondes, ut nemo eum penetrare queat. Sed ostendamus id exemplo.
$ II
Exemplum Operationis.
Primo. Litterarum fronti semper apponatur Clavis, ut dixi. Omnia sunt hominum et caetera. Deinde sequantur Litterae sub qualibet lingua descriptae. Verbi gratia sit tenor Epistolae is, qui sequitur.
Intellexi magno animi mei gaudio, te complures libros magni momenti, et in hunc usque diem in visos accepisse. De quo tibi ut cordintime congratulor, ita quoque amice te exoro, ut me tantorum thesaurorum participem facere non dedigneris. et certe tibi persuadeas, me praestiti beneficii nunquam immemorem futurum. Vale, et me ama. Die 12. Augusti 1661.
Sub hac Epistola occultabis hunc arcanorum verborum conceptum, state cauti et caetera ut sequitur.
Primo. Exime ex suis Loculamentis Alphabetum juxta litterarum seriem dispositum. Secundo, accipe Clavem: Omnia sunt hominum et caetera ante te, et frontales litteras Tabellarum juxta Clavis litteras ordine pone, ita ut frontales litterae hunc sensum referant: Ommnia sunt hominum et caetera diligenter notando, quinam in singulis Tabellis Alphabetorum numerus respondeat dictis Contraclasvis litteris. Hosce numeros redige in unam transversam seriem Tabellarum. Hoc praestito, primo in Tabella O, quae primam Clavis litteram indicat, accipe numerum primae Contraclavis litterae S correspondentem, et in officiosa Epistola, qualibet lingua conscripta, numera tot litteras, quot numerus in angulo communi unitates habet, et ibi imprime punctum. Deinde vide, quot in angulo communi M et T Tabellae secundae numeri

Tttt 3