Page:Organum mathematicum libris IX. explicatum (1668).djvu/773

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has not been proofread


semidiurnus Sphaerae obliqua superat arcum semidiurnum Sphaerae rectae; Sole vero decurrente per Signa Australia, arcus quilibet semidiurnus Sphaerae obliquae deficit ab arcu semidiurno Sphaerae rectae; adde huius modid differentiam arcui semidiurno Sphaerae rectae, Sole existente in Signis Borealibus, detrabe vero, Sole existente in Signis Australibus; summa, vel residuum dabit arcum semidiurnum quaesitum: quo duplicato, habebitur integer arcus diurnus: hoc iterum subtracto ex horis 24, relinquetur integer arcus nocturnus. Item arcus semidiurnus ablatus ex horis 12, relinquit arcum seminocturnum.
Differentia porro cuiuslibet arcus semidiurni Sphaerae obliquae ab arcu semidiurno Sphaerae rectae, invenitur eodem modo, quo differentia ascensionalis cuiusvis puncti Ecliptiae: nam eadem est differentia ascensionalis, quae inter semidiurnum arcum Sphaerae obliquae, et semidiurnum arcum Sphaerae rectae. Quare si differentia ascensionalis cuiusvis puncti Eclipticae Signorum Boreaium addatur, Australium subtrahatur arcui semidiurno Sphaerae rectae, notus erit arcus semidiurnus quaesitus.
Modos suppuntandi pro qualibet elevatione poli ascensiones tam rectas, quam obliquas, cuiuslibet arcus Zodiaci, et consequenter differentias ascensionales, tradit P. Clavius in Commentariis ad Cap.3. Sphaerae, et in Astrolabio Lib.I. Lemmate 49. Tabulas affert idem priori loco. Differentiam quoque inter arcum semidiurnum Sphaerae rectae, et arcum semidiurnum Sphaerae obliquae, supputare docet idem Clavis Lib. I. Gnomonicae Proposit. 34.

§. III.
Tertius Modus, per Simus.


Tertius odus, inveniendi arcus diurnos pro qualibet poli elevatione, pendet ex doctrina Sinuum. nam ut demonstrat P. Clavius Lib. 1. Gnomonicae Propos. 34. et ante ipsum Geber in Opere Astronomico, multique alii post utrumque: Ut est sinus complementi declinationis puncti Eclipticae, quod so occupat,