Causa autem tantae dierum inaequalitatis est, quod Horizon diversi mode secat Parallelos Solis, quos motu suo diurno circa Terram describit. Nam in Sphaera recta, quam prima Figura repraesentat, in qua poli in Horizonte jacent, et Aequator secatur ab ipso aequaliter ad angulos rectos, dies sunt ideo perpetuo aequales noctibus, quia Horizon QR, omnes Parallelos HI, FG, DE, AB, KL, MN,OP, bifariam secat, ideoque tam diu Sol moratur supra, quam diu infra Horizontem. In Sphaeris obliquis, quas repraesentant Figura secunda, tertia, et quarta, in quibus polus S elevatur supra, polus T deprimitur infra Horizontem, alibi plus, alibi minus, Paralleli Solis ab Horizonte QR inaequaliter secantur in X, Y, Z; et ex parte poli elevati majora segmenta HX, FY, DZ, supra Horizontem QR apparent; minora vero XI, YG,ZE, infra delitescunt. E contrario ex parte poli T depressi majora segmenta ZI, YH, XP, sunt infra Horizontem; minora KZ, MY, OX, supra. Apparet quoque in secunda et tertia Figura, quo magis polus elevatur, hoc magis inaequaliter Parallelos ab Horizonte secari, adeoque ubi major est elevatio poli, majora esse dierum et noctium discrimina, quam ubi est minus elevatus. Hinc in Germania majores sunt dies aestivi quam in Italia, minores hyberni. At ubi poli elevatio tanta est, quantum est complementum maximae declinationis Solis ab aequatore, dies maximus est 24 horarum; totidem et nox maxima, ut in quarta Figura videre est. Nam in Figura ila Tropicus Cancri HQ, est aximus Parallelorum semper apparentium; et Tropicus Capricorni RP, maximus semper latentium: Ergo toto illo tempore, quo sol Tropicum Cancri percurrit, supra Horizontem manet. Quare cum ipsum 24 horis percurrat, sequitur, et diem esse 24 horarum. Idem intellige
