Page:Organum mathematicum libris IX. explicatum (1668).djvu/755

§. III.
De Horizinte; et de Zenith et Nadir.
Horizon, sive Finitor, est Circulus in Sphaera Mundi maximus, descriptus e Zenith aut Nadir cuiusque loci, aut habitatoris Terraquae, tanquam e polis.
Zenith est punctum coeli correspondens vertici stantis in Terraqua; quod Latini punctum Verticale, aut Verticem vocant. Nadir est punctum coeli correspondens pedibus stantis Terraqua; quod Latini punctum Vertici diametraliter oppositum appellant.
Horizon transit per centrum Mundi; dividitque totam Sphaeram in duo Hemisphaeria, superius videlicet, et inferius.
Hic Horizon dicitur Astronomicus, Rationalis, Intelligibilis, Naturalis, et Horizon simpliciter sine alio addito; ad differentiam alterius Horizontis, qui Sensibiis, Physicus, Apparens et Artificialis appellatur, estque Circulus non maximus, tangens superficiem terraquae in puncto, in quo est locus aut habitato, et parallelus seu aequidistans Horizonti rationali, dividensque Sphaeram Mundi in duo segmenta inaequalia.
Horizon tam Astronomicus, quam Physicus, cum suis polis, mutatur euntibus in Ortum, Occasum, Septentrionem, Meridiem.
§. IV.
De Meridiano, et Linea Meridiana; et de poli elevatione seu altitudine.
Meridianus est Circulus in Sphaera Mundi maximus, qui transiens per polos Mundi, et per vertice punctumque oppositu loci cuiuscunque (hoc est, per Zenith et Nadir loci) secatHorizontem ad angulos rectos versus Septentrionem et Austrum; Mundum vero totum in Hemisphaerium Orientale et Occidentale. Dicitur Meridianus, quia dum sol motu diurno ab Oriente in Occidente attingit ipsum in Hemisphaerio supero, est meridies; sicut est media nox, quando attingit ipsum in Hemisphaerio infero. Unde dividit diem ac noctem artificialem in duas aequales partes. Centrum eius est idem cum centro Mundi; poli sunt puncta Ortus et Occasus