Page:Organum mathematicum libris IX. explicatum (1668).djvu/753

From GATE
Revision as of 15:57, 6 May 2020 by ArchivesPUG (talk | contribs) (top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has not been proofread


de Astronomia Elementari, sive de Spaera Mundi agimus. Quod si libros alios consulere non libet, non negligat sequentia saltem, quae brevissime ex dicto Mathematici Cursus Libro delibo, proponere, et explanare.

CAPUT III.


Astronomiae Elementa nonnulla Summatin explicata.


Astronomiae Elementa sunt illa pleraque, quae Joannes de Sacro bosco, aliique Sphaerae Scriptores, de Sphaera Mundi tractant. Nunnulla propono, sed summatim ac breviter.

§. I.
De Sphaerae Mundi centro, diametris, axe, polis.


Spaera Mundi nomine intelligo visibilem hanc totius Universi machinam, e Coelo et Elementis praecipue coagmentatam. Sphaera appellatur, quia Sphaericae Figurae esse creditur; ideoque ut in aliis Spaeris sunt, vel certe concipiuntur centrum, diametri, axis, et poli; ita et in sphaera Mundi. Quae ut explicem, suppono olem ex terra et aqua constantem, unumque Globum efficientem (quem ob id Terramqueum Globum, seu Terraquam appellare soleo) esse in medio Universi, undique aequaliter a ccoeli ambientis superficie tam concava, quam convexa distantem.

Centrum Sphaerae Mundi est punctum medium Terraquei Globi; punctum inquam medium respectu magnitudinis, non respectu gravitatis.
Diametri eiusdem Sphaerae Mundi sunt quaelibet lineae imaginariae, transeuntes per enctrum ipsius, et utrimque ad ultimam coeli super definentes.
Axis Mundi est ille Mundi diameter, circa quem coelum