Page:Organum mathematicum libris IX. explicatum (1668).djvu/750
Utilissimum, ac poene necessarium est, Astronomiae Tyrones Principes ac Nobiles, ad usum Tabellarum Astronomicarum in Loculamento sexto reconditarum, ac partim paecedentti Libello jam explicatarum, partim sequentibus Capitibus explicandarum, cum voluptate aliqua et gustu percipiendum, notitiam habere perfunctoriam saltem eorum, quae Scriptores Sphaerarum seu Elementaris Astronomiae tradunt de centro, axe, polis, circulisque variis sphaerae Mundi, repraesentatis in Sphaera Armillari, ut Globo Astronomico. Quare Instructor eo curam ante Tabellarum praedictarum explanationem convertat, ut dictorum notitiam nanciscantur. Proponet ergo Tyroni suo Principi vel Sphaeram Armillarem, vel Globum Astromicum, vel saltem utriusque aut alterutrius picturam artificiose ac distincte expressam. Explicationem, si libri alii deessent, hauriat ex Cursu nostri Mathematici Libro 7, in quo
