Page:Organum mathematicum libris IX. explicatum (1668).djvu/662

From GATE
Revision as of 15:55, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has not been proofread


distantes versus Orientem et Occidentem usque ad Verticalem primarium(vel potius usque ad primarii Verticalis Circuli, horae sextae Astronimicae, et Horizontis communem intersecationem) interceptos. Hujus praxis causa condidit in citato Loculamento quinto septem Tabellas puniceo colore imbutas, propositas a nobis supra in Iconismo huic Libro quinto praefixo; quarum una est Applicatoria, horarum Astrononimicarum, ante et post Meridiem numeros habens inscriptos; reliquae vero sex continent gradus et minuta arcuum Horizontalium ac Verticalium, inter Meridianum et Verticalem primarium interceptorum, atque ab horariis Astronomicarum horarum circulis sectorum.
Ut vero origo dictarum Tabellarum interlligatur, et ut quilibet sibi tam illas, quam alias, pro quavis poli elevatione seu Regionis latitudine, et non solum pro Horologiis Horizontalibus ac Verticalibus, verum etiam pro declinantibus, construere possit; tradam primum modum illas construendi; tum nonnullas alias Tabulas, praeter superius traditas, iuxta modum traditum constructas afferam; demum praxin iisdem in Horologiis describendis utendi explicabo. Sit igitur