Page:Organum mathematicum libris IX. explicatum (1668).djvu/648

From GATE
Revision as of 20:04, 8 December 2019 by Sang Min Lee (talk | contribs)
This page has not been proofread


habetur, si in punctis F et G infigantur ad angulos rectos duo styli longitudinis jam dictae, illisque imponatur pertica.
Idem locus et mensura debetur utrique Meridiano, sive rectum adhibere velis stylum, sive patibularem.

CAPUT XII.

De Horologiis Astronomicis declinantibus describendis,
ope Semicirculi, Quadrantis, et Regulae

Sciathericae.


Horologia declinantia sunt, quae describuntur in planis Verticalibus, a primario Verticali circulo declinantibus, sive in Ortum, sive in Occasum, idque vel ex parte Australi, vel ex parte Boreali. Unde alia sunt declinantia a Meridie in Ortum, aut Occasum; alia declinantia a Septentrione in Ortum aut Occasum.
Haec ut delineentur sive Geometrice, sive ope Semicirculi aut Regulae Sciathericae, sive alia methodo, investiganda, primo est atque scienda declinatio plani, seu muri, in quo sunt delineanda. Secundo, linea Indicis, sive Meridianus plani declinantis. Tertio, situs Aequinoctialis lineae. Quatro, triangulum, gnomonicum supra planum declinans, cujus ope postea horae, sicuti in reliquis Horologiis, delineantur. De investigatione ac inventione declinationis muri, in quo describendum Horologium declinans, agemus infra Cap.19. Hic reliqua, una cum ipsius Horologii declinantis descriptione, docemus.
Quoniam vero delineationis methodus per Semicirculum aut Regulam Sciathericam longe intercatior est, quam aliorum. Horologiorum hactenus contructorum descriptio, nec explicari aut intelligi potest, nisi intelligatur aliqualiter saltem methodus delineadi eadem Verticalia declinantia Geometrice, quam brevissime quidem, at claris, ut existimo, verbis tradidi in Cursu Mathem Lib.14.Par.2. Cap.6. Propos.I. ubi tamen Figura, ad dictam Propositionem pertinens, vitiosissime aeri est incisa, nec corrigi potuit ob multiplices linearum ductus, nec alia tunc delineari atque incidi, cum Liber imprimebatur, ob temporis angustiam; ideo descriptionem illam praemittere hoc loco, correctioreque Schemate explicare decrevi. Si Itaque