Page:Organum mathematicum libris IX. explicatum (1668).djvu/645

From GATE
Revision as of 10:37, 14 February 2020 by ArchivesPUG (talk | contribs) (→‎top: clean up)
This page has not been proofread


PROPOSITIO II.

Delineare Horologium Aequinoctiale Inferius,
ope Semicirculu, Quadrantis, et Regulae''

Sciathericae.


Perfora centrum E Horologii Superioris jam facti, si fieri potest, et illo describe in opposita facie eosdem circulos, easdemque lineas horarias, quas in Superiori vides; stylumque priori ad angulos rectos infixum adige per centrum, ut emineat ad lubram longitudinem; et erit Horologium Inferius descriptum.
Numeri tamen horarii non debent scribi in Semicirculo inferiore C B D, sed in superiore C A D, eo ordine, quo in Figura vides.
Si centrum prioris Horologii perforare non licet, aut non libet, elige in plano opposito punctum quodcunque pro centro, et fac om nia, quae facienda praescripsimus in plano superiore.
Horologium hoc Inferius usum habet, Sole existente in signis Australibus, cis Aequatorem, respectu eorum, qui intra Aequatorem et polum Arcticum habitant.

CAPUT XI.

Quinque Horologia Astronomica, in quinque planis
regularibus, ina et eadem opera per Regulam

Sciathericam describere.

Ut magis innotescat Sciathericae Regulae praestantia, ejus ope quinque Horologia hactenus descripta, videlicet Horizontale, Verticale, Polare, Meridianum Orientale et Occidentale, Aequinoctiael, facillime, ac miro compendio, delineare docebo, ut sequitur, ad altitudinem poli graduum 50. Eadem autem est ratio de iisdem pro quavis alis poli altitudine describendis. Itaque
I. In plano quinque dictorum Horologium capaci fac duas lineas, A B et C D, in E orthogonaliter seu ad angulos rectos se se intersecantes.