Page:Organum mathematicum libris IX. explicatum (1668).djvu/642

From GATE
Revision as of 15:54, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has not been proofread


divisionum puncta opposita duc lineas rectas, numerosque horarum adscribe, ut Figura monstrat.
Si vero ope Semicirculi velis operari, intercipe circino Semidiametrum A O Semicirculi, et ad ejus intervallum descrbi ex E centro peripheriam circuli, aliamque ad majus intervallum majorem extra primam. Deinde divide interiorem in quator Quadrantes per diametrum C D, et singulos quatuor Quadrantes in sex partes, prout Quadrans dexter A D C Semicirculi divisus est. Demum per E centrum, ad puncta divisionum opposita, duc rectas lineas, et numeros adscribe, ut antea.
III. Centro E infige stylum cujuscunque longitudinis, rectum seu perpendicularem ad planum Horologii; habebis Horologium Superious construmtum.
IV. Quacunque in Regione Mundi uti volueris Horologio, ita ipsum colloca, ut A B congruat Meridiano loci, seu lineae Mediridianae, punctum C respiciat Ortum aequinoctialem, punctum D Occasum aequinoctialem, A Austrum, B Boream: ipsum vero planum ita eleva ex parte Australi, ut cum plano Horizontali faciat angulum elevationis Aequatoris. Quo in situ, erunt horae a media nocte usque ad Meridiem in Quadrante D B, reliquae in Quadrante B C, Semicirculi D B C in Horologio Superiori, quod videlicet respicit polum conspicuum, et illuminatur a Sole in signis Borealibus existente, respectu eorum, qui intra Aequatorem et polum Articum habitant.
Si ooe Regulae Sciathericae describere vis Horologium, describe circulum ad intervallum semidiametri A C, vel A E, Quadrantis in Facie posteriore Regulae delineati; ductisque ad angulos rectos per centrum duabus diametri, intercipe circino ex dicto Quadrante arcum 15 graduum, videlicet arcum inter C, et graum decimum quintum, eaque intercapedine circini divide quemlibet Horologii futuri Quadrantem, et reliqua fac, ut antea.