Page:Organum mathematicum libris IX. explicatum (1668).djvu/619

From GATE
Revision as of 15:53, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has not been proofread


vero centro F infrigas stylum cujuscunque longitudinis, facientem cum F E angulum aequalem anguolo E F K; erit is stylus angularis horologii, et tota sua umbra monstrabit horas.
VIII. Si velis Horologio inscribere horas dimidias, quaere in recta C D puncta illarum eodem modo, quo quaesivisti puncta horarum integrarum, nimirum accipiendo circino ex Quadrante A D C distantias inter R et puncta horarum dimidiarum in linea R S, easque tranferendo ex E Horologii utrimque in Aequinoctialem C D, et per puncta inventa ducendo ex F lineas rectas vel punctis intercicas, vel alio colore imbutas, distinctionis causa a lineis horarum integrarum. Si stylum angularem F K adhibeas, aut triangulum E F K erectum supra E F; sufficit, solo puncta dimidiarum horarum in linea C D notare, nullis lineis ex centro F ductis.

Annotatio


Nota, spatia horaria in parte dextera lineae Aequinoctialis C D Horologii faci, debere esse aequalia spatiis correspondentibus in parte sinistra ejusdem lineae, tam in Horizontali, quam in Verticali, Polari, Meridiano Horologio; alioquin erratum est.

PROPOSITIO II.

Describere Horologium Horizontale Astronomicum,

ope Regulae Sciathericae.


Idem Horologium, quod descripsimus ope Semicirculi ad latitudinem graduum 50, describi etiam potest ope Regulae Sciathericae, sic:
I. Duc, ut antea, duas rectas A B, et C D, intersecantes se ad angulos rectos in E.
II. In facie anteriore Regulae elige spatii septimi D E I H lineam mediam pro Horologiis minoribus, et omnia spatia seu intervalla inter horam 12 et 1, inter 12 et 2, inter 12 et 3, etc. circino accepta, transfer in lineam C D Horologii futuri ex E utrimque.