Page:Organum mathematicum libris IX. explicatum (1668).djvu/617
omnes Europei, exceptis Italis, qui inchoant diem naturalem, ab occasu Solis. Itaque brevitatis causa horologium horarum a meridie et media nocte vocabimus toto hoc Libro Horologium Astronomicum.
Tum Horizontale, tum caetera sequentia hoc Capite, et sequentibus, construemus et ope Semicirculi, et ope Regulae Sciathericae.
Describere Horologium Horizontale Astronomicum
Sit describendum horologium Horizontale Astronomicum, in plano mobili, collocandum deinde in suo debito situ, ut dicetur, ad elevationem poli 50 graduum, quanta est hic Herbipoli: sic operare.
I. In plano oblato duc duas rectas lineas, A B, et C D, intersecantes in E orthogonaliter, seu ad angulos rectos; quarum A B referat lineam Meridianam, C D vero lineam Aequinoctialem.
II. Elige in semicirculi horographico vel rectam M O N, vel rectam T R S, vel duc aliam rectae B A C parallelam, quantum lubet prope aut procul ab hac distantem. Tanto autem majus evadet horologium, quanto remotior fuerit electa a B A C; et tanto minus, quanto proprior. Nos pro praesentis Figurae horologio elegimus rectam T R S.
III. Intercipe circino primo intervallum inter punctum R, et punctum horae 1mae ac 11mae, illudque transfer ex E utrimque in Aequinoctialem C D horologii futuri, et nota puncta a et e. Deinde intercipe intervallum inter R, et punctum horae 2dae et 10 mae, ex eodem E transfer utrimque in eandem Aequinoctialem, et nota puncta 1 et 0. Simili ratione intercipe et transfer intervalla inter R et 3 ac 9 inter R et 4 ac 8, inter R et 5 ac 7.
IV. Ex Quadrante A D B semicirculi accipe circino portionem inter centrum A, et lineam T R illius radii, qui transit pergradum complementi elevationis poli illius loci, pro quo construis
