polita, Regulam lubitae latitudinis, longitudinis vero non minoris, quam est reacta M N praecedentis Semicirculi.
II.Hujus Regulae faciem unam deputa inscriptioni linearum horariarum Quadrantis dexteri A D C, alteram inscriptioni radiorum,ex A centro in arcum Quadrantis sinistri A D B ductorum. Illam vocabimus faciem anteriorem Regulae, hanc faciem posteriorem.
III. Faciem anteriorem, notatam litteris B C D E, sic praeparabis. Primo. Totam Regulae latitudinem divide octo spatiola, per lineas extremae B C parallelas. Secundo.Omnia divide bifariam per lineam tranversam F G. Tertio. In sex lineas priores, per longitudinem Reguale ductas, transfer utrimque, incipiendo a transversa F G, intervalla mediarum ac integrarum horarum, notata in recta O N Quadrantis praecedentis A D C, et puncta correspondentia coniunge lineis recti; horarum quidem integrarum lineis intergris, horarum vero dimidiarum lineis punctatis, uti in ipsa Regulae Figura apparet. Numeros horarios, et vocabula adscribe, uti in eadem Figura patet.
IV. In septimum spatiolum Regulae transfer ex G utrimque puncta seu intervalla horarum mediarum ac integrarum rectae R S ejusdem Quadrantis praecedenis A D C, et numeros ac vocabula adscribe, ut apparet in Figura.
V.Faciem posteriorem Regulae, notatam litteris M O P A, sic praeparabis.
Primo, Ad extremitatem M O fac duo spatiola, O M, et C D. Secundo, Sume C A, aequalem rectae O A praecedentis Semicirculi, et describe ex A centro Quadrantem A E C, atque ex eodem A in rectam C D transfer ex praecedenti Quadrante sinistro omnes radiorum portiones, inter A centrum et rectam O M interceptas, ductis lineis ex A in rectam C D, ut vides in Figura factum. Tertio, A punctis in recta C D notatis duc perpendiculares
