Page:Organum mathematicum libris IX. explicatum (1668).djvu/601

From GATE
Revision as of 10:35, 14 February 2020 by ArchivesPUG (talk | contribs) (→‎top: clean up)
This page has not been proofread


Ommito plures alias Hypotheses, quas alii praemittunt Horologiographiae, et nos brevissime tetigimus in Cursu Mathematico loco supra citato; Ut I. Quod corpus opaum umbram efficiens, proiciat illam in adversam partem luminis. II.Quod Moto seu luminoso, seu opaco, quod luminoso obiectum facit umbraram, moveatur partiter et umbra. III. Quod Radius umbrosus cum radio luminoso, a quo umbrosus interiecto corpore opaco procedit, in directum extendatur. IV. Quod Moto luminoso circa opacum immotum, moveatur et umbra, sed oppositis lationibus, quia moto luminoso ad dexteram, umbra ad finistram movetur, et e contrario. V. Quod Gnomoni seu stylus perpendiculariter erectus umbram proicit eo breviorum, quo luminosum est altius; eo longiorem, quo illud est inferius.VI. Quod Solis radii incidentes Terrae oblique, refringuntur in atmosphera, eo magis, quo obliquius incidunt; et quod propterea Sol mane appareat supra Hoziontem, antequam revera ascenderit supra illum, et vesperi, postquam iam descendit infra eumdem; et quod utroque tempore supra Horizontem existens, altior appareat quam sitl et quod propterea umbra styli perpendiculariter erecti utroque tempore brevior sit quam oporteat, et ideo mane Horologium solare praecipitet horas, vesperi retardet. VII. Quod Centra Horologiorum, quae circulo aut circuli segmento costant, cujusmodi sunt Quadrantes Horologii, censeantur esse in centro Terrae, et limbi censeantur esse concentrici coelestibus circulis.