Page:Organum mathematicum libris IX. explicatum (1668).djvu/544

From GATE
Revision as of 10:43, 14 February 2020 by ArchivesPUG (talk | contribs) (→‎top: clean up)
This page has not been proofread


Pro Calendario novo.

PRimo fiant omnia, ut antea pro Calendario veteri, nempe colligantur in unam summam anni Christi tam communes, quam bissextiles elapsi, et anni currentis dies dati, summaque mutiletur unitate. Deinde ex summa sic mutilata auferantur dies exemptiles dato anno Christi competentes, residuumque dividatur per 7; eritque quod restat Feria quaesita. Si nihil restat, erit Feria septima, seu Sabbathum.
EXEMPLUM. Vis scire, ut antea, in quam Feriam seu diem septimanae inciderit dies 15 Augusti, anni Christi 1665. Summa annorum communium et bissextorum elapsorum, nec non dierum currentis anni, unitate subtracta, est, ut vidimus, 2306; dies exemptiles anni 1665 sunt 10: hi subtracti a 2306, relinquunt 2296: his divisis per 7, nihil remanet. Fuit ergo dies 15 Augusti praedicti anni Feria 7, seu Sabbathum.
Ratio Regulae est, quia tot dierum differentia est inter annum veteris et novi Calendarii quolibet tempore post Calendarium correctum, quot sunt dies exemptiles, quibus novum praecedit vetus, manente ordine Feriarum prorsus codem ab anni principio. Cum ergo quilibet dies exemptilis suae Feriae indicem habeat; se ex Calendario veteri auferuntur dies, auferuntur et indices Feriarum. Sicut ergo antea, dum dividebantur dies et Feriae per 7, remanebat index Feriae pro Calendario veteri: ita et post subtractionem dierum exemptilium.

Annotatio I.

Eandem Feriam pro Calendario novo invenies ex Feria pro veteri inventa, si ex diebus exemptilibus auferantur omnes septenarii; et residuum subtrahatur ex indice Feriae antiqui Calendarii jam antea reperto. Ut in exemplo antea allato, index Feria antiqui Calendarii est 3; dies exemptiles sunt 10; residuum, post ablata 7 ex 10, est etiam 3; hoc si auferatur ab illo priori, nihil remanet. Ergo Feria 7 est illa, quae quaerebatur.