Page:Organum mathematicum libris IX. explicatum (1668).djvu/519

From GATE
Revision as of 19:23, 8 January 2020 by Antonio Mele (talk | contribs) (→‎Not proofread: Created page with "''<center>Modus primus, Per Arithmeticam.</center>'' ''ANnis Christi propositis addantur , numerus bissextorum praeteritorum ab ortu Christi usque ad annum datum, inventus pe...")
(diff) ← Older revision | Latest revision (diff) | Newer revision → (diff)
This page has not been proofread


Modus primus, Per Arithmeticam.

ANnis Christi propositis addantur , numerus bissextorum praeteritorum ab ortu Christi usque ad annum datum, inventus per Regulam I; summa dividatur per 7; residuum subtrahatur ex 8; vel, si nihil restet, subtrahantur 7 ex 8: reliquum indicabit litteram Dominicalem quaesitam, nempe 1 indicabit litteram A, 2 B, 3 C, 4 D, 5 E, 6 F, 7 G.
EXEMPLUM I. Cupis scire litteram Dominicalem veterem anni 1667. Adde huic numero 5, et numerum bissextorum, qui per Regulam I repertus est, 416; eritque summa 2088. Hanc divide per 7, remanent 2. Subtrahe jam 2 ex 8, remanent 6; quod signum est, litteram sextam, videlicet F, esse Dominicalem dicto anno.
EXEMPLUM II. Vis scire litteram eandem pro anno bissextili 1668. Adde ad hunc numerum 5, et numerum bissextorum elapsorum, qui sunt, ut antea, 416 (bissextus enim praedicti anni 1668 nondum elapsus est, sed currit) habebis 2089. Haec divide per 7, remanebunt 3. Subtrahe haec ab 8, remanent 5. Ergo littera Dominicalis pro praedicto anno est E a principio anniusque ad Festum S. Matthiae; cui deinde succedit littera D, in ordine praecedens.
Ratio Regulae. Annis Christi propositis adduntur 5, quia quinta littera in ordine retrogrado, nimirum C, fuit anno proximo ante Christi Nativitatem Dominicalis posterior (erat enim annus bissextilis.) Adduntur etiam bissexti praeteriti, ut habeatur numerus omnium litterarum Dominicalium, ab initio aerae Christianae usque ad datum annum se se ordine retrogrado consecutarum; nam binae litterae cuilibet bissexto debentur. Dividitur summa per 7, ut abjiciantur omnes septenarii dictarum litterarum, et remaneat index litterae Dominicalis anni dati in ordine retrogrado. Residuum subtrahitur ab 8, aut 7 ab 8, ut habeatur index in ordine directo: nam si 1, quae est index litterae G in ordine retrogrado, dematur ex 8, remanent 7, ejusdem litterae G in ordine retrogrado, dematur ex 8, remanent 7, ejusdem litterae G in ordine directo index, et sic de caeteris. Si nihil superest post divisionem,