Page:Organum mathematicum libris IX. explicatum (1668).djvu/492

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has not been proofread


reliquos inter expansos: deinde a centesimo invento discende recta deorsum, ab expanso recta dextrorsum; et dabit cellula seu quadratulum commune concursus Aureum numerum quaesitu.
EXEMPLUM I. Vis scire Aureum numerum anni Christi 1800. Quaere illum inter centesimos. Numerus 15 ipsi immediate subjectus, est Aureus numerus illo anno currens.
EXEMPLUM II. Cupis iterum scire Aureum numerum anni Christi 1673. Quaere 1600 inter centesimos, et annum 73 inter expansos: deinde ab illo perge recta deorsum, ab hoc recta dextrorsum; fiet concursus in numero 2. Est ergo numerus Aureus dicti anni hic numerus 2.

Modus tertius, Per Digitorum articulos.

Aureum numerum cuivis anno proposito competentem, ut per dactylismum, seu digitorum articulos memoriter ac facile cognoscas, extende quatuor sinistrae manus digitos, quorum primus post pollicem vocatur Index, secundus Medius, tertius Annularis, quartus Auricularis. Singulos divide in quinque partes seu sedes, quarum prima sit summitas digiti, secunda articulus primus digiti, tertia articulus secundus, quarta articulus tertius, quinta sit radix digiti ubi committetur manui.
Hoc facto, colloca in dictis partibus seu sedibus quatuor digitorum annos centesimos Christi (incipiendo a centesimo 0) eisque subjice novendecim Aureos numeros, eodem prorsus modo, quo in praecedenti Tabella eosdem collocavimus, et prout in apposita Figura 3. apparet.
In eisdem novendecim sedibus quatuor praedictorum digitorum collocabis etiam alios centesimos annos a Christo nato,