Page:Organum mathematicum libris IX. explicatum (1668).djvu/485

From GATE
Revision as of 15:47, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has not been proofread


construi possunt aliae quotlibet, a diversis annis Christi non adeo remotis a primo inchoatae, ad eum modum, quo secundam construximus, cujus initium est ab anno 1666, cujus Aureus numerus erit 14. Hujus, et cujuscunque alterius simili modo constructae subsidio, invenies Aureum numerum propositi anni a praedicto anno remoti in consequentia, eodem modo ut antea, et ut in sequenti Exemplo explicatur.
EXEMPLUM. Sit propositus annus 1692, cujus Aureus numerus desideratur. ingredere Tabellam secundam, et inchoando ab initio, tribue primae cellulae annum 1666, secundae cellulae annum 1667, tertiae annum 1668, et ita deinceps, donec pervenias ad annum propositum, redeundo semper ad initium, quotiescunque totam percurreris. Cadet annus praedictus in eam cellulam, cui inscriptus est numerus 2. Hic ergo est Aureus numerus praedicto anno currens.

Annotatio.

Usus hujus, et cujuscunque alterius temporariae, ad hunc modum constructae Tabellae, non differt ab usu Rotae Secundae, quam Auctor Organi habet in Libello de Computo Ecclesiastico, quem dedimus Parte 1. hujus Libri.

Tabella III. Aurei numeri, a primo anno Christi initium sumens, et perpetuo durans.