Page:Organum mathematicum libris IX. explicatum (1668).djvu/45

The printable version is no longer supported and may have rendering errors. Please update your browser bookmarks and please use the default browser print function instead.

This page has been proofread

& Quadratum Geometricum, Scalamque altimetram ipsis inscribi insolitam: utriusque tam stabilis, quàm penduli usum fusè explico, adhibitis Tabellis è dicto Loculamento secundo depromptis: aliaque multa ad Geometriae practicae operationes cum & sine Arithmetico calculo peragendas affero.
Tertius Liber est FORTIFICATORIUS. In eo primùm expono tertium Organi Loculamentum, tertiumque Auctoris Libellum, complectentem muniendi praxes non multis abhinc annis usitatas, sed iam abolitas. Deinde affero Instructionem uberiorem muniendi iuxta Regulas & Axiomata moderna, afferoque modos munitionum, praesertim regularium, delineationes, ichnographias, & orthographias ex illorum praescripto perficiendi.
Quartus Liber est CHRONOLOGICUS. In eo explico quartum Organi Loculamentum, quartumque Auctoris Libellum, Computum Ecclesiasticum complectentem. Addo Instructionem uberiorem tum pro tota Chronologia & tempore tam Astronomico, quàm Politico universim, tum praecipuè pro Ecclesiastico tempore ac Computo, cuius plerasque Regulas explico per Arithmeticam, per Tabulas, & per Digitorum articulos. Praemitto tamen

◅▻