Page:Organum mathematicum libris IX. explicatum (1668).djvu/446

From GATE
Revision as of 10:39, 14 February 2020 by ArchivesPUG (talk | contribs) (→‎top: clean up)
This page has not been proofread


lunarem vero Politicum commmunem ac plenum constare diebus 354, ideoque lunarem communem superari a solari communi diebus 11, a solari bissextili diebus 12.
Ex quo sequitur, singulis annis Lunationos Politicas 11 diebus anticipare, hoc est, undecim diebus citius contingere quam anno praecedente contingebant, ut si anno praecedente Novilunium erat primo die Januarii, nempe in mense Decembri.
cum igitur propter 11 dies, quibus Solaris annus communis superat Lunarem, Novilunia singulis annis contingant 11 diebus citius; quaeritur, quot annorum intervallo Novilunia ad eosdem dies redeant, in quibus antea contingebant?
Respondeo, intervallo 19 annorum, sive post annos solares Politicos novendecim. Probo. Inter 19 annos solares Politicos, quindecim sunt communes dierum 365, et quatuor bisextiles dierum 366; qui dies novendecim annorum omnes simul efficiunt dies 6939, et horas 18, quia singulis trium annorum communium ultimorum post quartum et ultimum bissextilem, id est, post annum decimum sextum, adhaerent 6 horae, quae simul efficiunt horas 18. Jam in 19 annis solaribus Politicis continentur totidem anni lunares dierum 354, et in quindecim communibus remanent singulis annis dies 11, in quatuor vero bissextilibus remanent dies 12: si jam multiplices 354 per 19, et 11 per 15, et 12 per 4; produces similiter dies 6939, cum appendice 18 horarum. Omens ergo Lunationes, quae spatio 19 annorum Solarium contingunt, tot absumunt dies, quot anni 19 Solares. Redit ergo post 19 annos expletos ad eundem diem simul et novus annus Solaris, et nova Lunatio. Toto autem isto tempore 19 annorum, seu spatio 6939 dierum, et 18 horarum, fiunt Lunationes 235, quarum 120 sunt dierum 30, reliquae 115 tantum dierum 29, ut patet calculanti.
Haec cum animadvertissent veteres Mathematici (praesertim Meton Atheniensis, qui floruit annis prope 431 ante Christi Nativitatem) uti et Alexandrini in Aegipto Mathematici, et non ignoraret Sosigenes cum Julio Caesare; descripserunt in Calendario