Page:Organum mathematicum libris IX. explicatum (1668).djvu/443

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has not been proofread


Annus Solaris Astronomicus a variis Astronomis varius est repertus, temporibus variis, ut vidimus Cap. 3. § 3. Et antiqui quidem, ut Calippus, Archimedes, Geminus, Sosigenes, et cum illis Julius Caesar, faciunt illum dierum 365, horarum 6; caeteri vero omnes post illos faciunt minorem. Alphonsini (quos secuti sunt Mathematici, qui Calendarii correctioni operam dederunt) illum olim repererunt Dier. 365, Hor. 5, Min. 49, 16 fere; cum quibus ferme consentit Tycho Brahe, et alii, ut loco citato vidimus.
Cum igitur Julius Caesar, et cum illo Patres Concilii Nicaeni, anno Solari tribuerint praeter dies 365, koras 6 integras; excessit annus Julianus Astronomicum seu coelestem Min. 10,44; sive, resolutis minutis primis in secunda, Minutis 644. Quoniam igitur unus dies habet 86400 minuta secunda; facile reperies, quanto tempore Vetus Calendarium seu annus Julianus a coelesti seu Astronomico anno deficiat uno die, si dicas, Minuta 644 dant unum annum, quid dant minuta 86400 ? reperies enim operatione facta per Regulam auream, annos 134 . Post annos ergo 134, et paulo amplius Concilio Nicaeno, aequinoctium coeleste non amplius contingebat die 21 Martii, sed die 20, et post totidem alios annos die 19, et sic porro; adeo ut circa annum 1582, quo Calendarium Vetus fuit correctum, contigerit circa diem 11 Martii.
Quod autem dicta ratione, et ob dictam causam, aequinoctium coeleste semper magis et magis anticipaverit aequinoctium Ecclesiasticum diei 21 Martii a Concilio Nicaeno affixum, adeo certum est, ut jam diu antea error fuerit notatus, et agitatum, ut remedium adhiberetur, ut Clavius refert in Calendario.
Ex quo factum fuit, ut licet ante Calendarii correctionem omnia Plenilunia a die 11 Martii usque ad 20 fuerint revera Paschalia; hoc est, primi mensis Lunaris, utpote quae post aequinoctium vernum contingebant; ea tamen respueret Ecclesia, proprerea quod aequinoctium vernum diei 21 Martii a Concilio Nicaeno affixum praecedebant. Quod quidem saepe contigit ante