Page:Organum mathematicum libris IX. explicatum (1668).djvu/441

From GATE
Revision as of 12:25, 4 December 2019 by Antonio Mele (talk | contribs) (→‎Not proofread: Created page with "(in quem diem circa illud tempus incidebat) et Novilunia ac Plenilunia totius anni, consequenterque dies XIV Lunae primi mensis, inquirerentur per cyclum Lunarem seu Aurei num...")
(diff) ← Older revision | Latest revision (diff) | Newer revision → (diff)
This page has not been proofread


(in quem diem circa illud tempus incidebat) et Novilunia ac Plenilunia totius anni, consequenterque dies XIV Lunae primi mensis, inquirerentur per cyclum Lunarem seu Aurei numeri, quem in eum finem curavit accommodari diei aequinoctii, a se ad diem 21 Martii affixi. Testatur id expresse B. Ambrosius in Epist. 83. ad Episcopos Aemiliae, Beda lib. 3. Histor. Ecclesiast. cap. 25. et lib. de Ratione temporum cap. 16. et 24. et alii apud Clavium. Itaque ad Politicum et Ecclesiasticum aequinoctium ac novilunium attendi voluit Concilium, non ad Astronomicus, prout in coelo certa diei hora et minuto contingit.
Duo ergo in Concilio Nicaeno statuta fuere: Primo, ut aequinoctium vernum esset affixum diei 21 Martii: Secundo, ut Pascha celebraretur Dominica die proxime sequente XIV Lunam primi mensis, hoc est, cadentem vel in aequinoctium vernum, ver illud proxime sequentem. Ex quibus sequitur primo, Pascha non esse celebradum ante aequinoctium, nec ante primum mensem Lunarem, nec post ipsum: Secundo, celebrandum esse in tertia hebdomade dicti mensis Lunaris, videlicet die Dominica inter diem 22 Martii et 25 Aprilis. Has omnes, aliasque praeterea conditiones indicat Rabanus Archiepiscopus Moguntinus (qui vixit anno circiter 855 post Christi Nativitatem) lib. 2. de Instit. Cleric. cap. 39. his verbis:
Initium primi mensis observandum est ab octavo Iduum Martiarum (id est, ab octavo die Martii) usque in Nonarum Aprilium diem (usque ad quintum diem Aprilis:) quartadecima vero Luna Paschae a duodecimo Calendas Aprilis (a vigesimo primo Martii) usque in decimam quartam Calendas Maji (usque ad vigesimus Aprilis diem) quaerenda est.