Page:Organum mathematicum libris IX. explicatum (1668).djvu/43

From GATE
Revision as of 11:26, 8 January 2020 by PedrettiWiki (talk | contribs)
(diff) ← Older revision | Latest revision (diff) | Newer revision → (diff)
This page has been proofread


Hoc tam ardens studium atque cognitionem ut magis magisque accenderet ac promoveret P. Athanasius Kircherus, suasu Praenobilis ac Reverendissimi Domini Godefridi Aloysii Kinneri à Lövventhurn, Eiusdem Serenissimi studiorum Moderatoris doctissimi atque dexterrimi, concinnavit Cistulam affabrè ad Organi pneumatici modum elaboratam, ac variis Tabellis refertam, quibus modo facillimo, ac velut aliud agendo, tum recensitas, tum alias plerasque Mathematicas Disciplinas, per varias illarum combinationes, mutuasque applicationes, vel primùm addisceret, vel, quas didicerat, firmiùs menti infigeret.
Huius Organi, in decem Loculamenta divisi, & ab ipsomet Auctore novem brevissimis Libellis manuscriptis explicati, Breviarium dedi paucos ante annos in Technica mea Curiosa, à praelaudato Praenobili Domino Kinnero ad me missum. Idem Organum, Utroque lubenti animo consentiente, explico nunc uberiùs praesenti Opere, cuius haec est Synopsis.

§. II.
SYNOPSIS OPERIS.

TOtum Opus, praemissis ternis Praeludiis de forma ac divisione Organi, deque compendiaria