Page:Organum mathematicum libris IX. explicatum (1668).djvu/429

From GATE
Revision as of 15:44, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has not been proofread


cap. 28. Itaque incerta adhuc est vera et praecisa magnitudo Anni Solaris Tropici. Communiter eligunt et sequuntur sententiam Alphonsinorum, tanquam mediam inter extremas.
Annus Solaris Sidereus est paulo major, quam Tropicus, quia Sol non revertitur ad eandem stellam fixam eodem temporis spatio, quo revertitur ad idem punctum Aequinoctiale, aut Solstitiale, sed aliquanto tardius. Causa est motus stellarum fixarum, quo continuo, licet tardissime, moventur versus partes orientales coeli. Quia itaque Sol digrediens hoc momento temporis a stella aliqua fixa versus partes orientales coeli, post revolutionem integram, quando revertitur ad idem coeli punctum, a quo discesserat, non invenit stellam illam in eodem loco, sed paulo remotiorem versus orientales partes, adeoque nonnulla, tamesti exigua, temporis morula indiget, donec illam assequatur; ideo major est annus Sidereus, quam Tropicus. Varii quoque variam ejus magnitudinem deprehenderunt. Tycho eam facit Dierum 365, H. 6, M. 9.26.43.30. Copernicus Dierum 365, H. 6, M. 9.40. Ricciolus Dierum 365, H. 6, M.g. 57.25.
Quoniam Sol annuo motu peragrat duodecim signa Zodiaci (quae aequalia sunt, et quodlibet 30 gradus continet) et revera in unoquoque moratur aequali tempore, tamesti apparenter inaequali; ideo Annus Solaris dividitur in duodecim partes, quae Menses Solares appellantur, de quibus postea Cap. 5. §2.

CAPUT IV.
De tempore Astronomico Lunari, ejusque distributione in Menses, et Annos.

TEmpus Astronomicum Lunare, est motus Lunae ab Astronomis observatus, et in partes suas distributus, praecipue tamen in Menses, et Annos.
Mensis Lunaris duplex est, Periodicus, et Synodicus. Mensis Periodicus, seu peragrationis aut circumitionis, est spatium