Page:Organum mathematicum libris IX. explicatum (1668).djvu/339

From GATE
Revision as of 15:43, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has not been proofread


Explicantur Tabellae secundi generis.
In eodem tertio Loculamento continentur, uti dixi, septem aliae Tabellae, albo colore distinctae; quae Polygonorum à IV. usque ad X. proportiones continent quoad totius Fortalitii molem, id est, singularum partium longitudinem, latitudinem, et profunditatem.
Itaque pro Fortalitio pentagono antea descripto ex Tabella pentagona excipe singulos numeros singulis partibus correspondentes, et habebis Fortalitium scenographicè delineatum, Italicè à profilo. Sed uti res nullam difficultatem habet, ita quoque ulteriori expositione non indiget.
Hactenus Auctor Organi Figuram huc spectantem, adiunctam ab eodem, vide etiam infra Cap.XI.
PARS SECUNDA
Instructio uberior pro Fortificatoria
Fortificatoriae seu Artis muniendi officium est, Fortalitia seu Munitiones extruere, locumque, datum ( seu Civitas sit, seu Arx, seu locus quicunque alius aptus) ita artificiosè, secundùm regulas, è militari experientia, et Mathematicae fontibus haustas, munire, ut pauci contra multos et locum illum et se ipsos securè ac diu defendere possint, ut in Cursu Mathematico Lib.22.Part.I initio diximus.
Munitiones porrò aliae sunt regulares, aliae irregulares. Regulares sunt, quae habent omnes angulos, et omnia latera ( intellige eiusdem generis seu speciei)aqualia. Irregulares,