Page:Organum mathematicum libris IX. explicatum (1668).djvu/284

abscindit duas partes, est sextuplo minor; si abscindat tres partes, est quadruplo minor; si quatuor abscindat, est triplo minor, etc. prout antica primae Tabellae facies docet.
In secundo casu distantia inter locum stationis et basim altitudinis est aequalis altitudini: nam habet se ad altitudinem, ut latus rectum ad versum, hoc est, ut 12 ad 12.
In tertio casu distantia inter locum stationis et basim altitudinis est major ipsa altitudine: et quidem si Regula dioptrica abscindit partes duas, aut tres, aut quatuor etc. ex latere verso; distantia est sextuplo, quadruplo, triplo etc. major altitudine, prout facies postica ejusdem primae Tabellae ostendit.

Annotationes.

I. Hic eadem fere notanda occurrunt, quae ad Propositionem 2. et 3. annotavimus. Nam si umbra interveniente operatio instituitur, reperitur praecise altitudo: Si vero distantia a loco operationis usque ad basin interveniente instituitur, debet ad altitudinem invengtam adjici statura mensoris a tarra usque ad oculum applicatum ad A.
II. Hic etiam accuratius ac facilius reperitur altitudo per Regulam Trium, quam per Tabellam.

Annotatio Universalis.

In omni casu, sive per Quadratum stabile, sive per pendulum instituatur operatio, et sive umbra interveniat, sive non potest mensor tam diu accedere ac retrocedere a basi altitudinis, donec Regula dioptrica praecise cadat in angulum C inter umbram rectam ac versam. Et tunc tam umbra, quam distantia,est aequalis altitudini. In casu tamen, quo umbra non intervenit, sed solum distantia, debet ad altitudinem adjici statura menosoris a terra usque ad oculum ad A aut B applicatum.

◅▻