Page:Organum mathematicum libris IX. explicatum (1668).djvu/270

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has not been proofread


Liber II.


Facies anterior Tabellae primae Geometricae.


Huius Tabella prima columna transversa continet puncta seu partes umbrae rectae, quas in Quadrato tam pendulo quam stabili abscindit perpendiculum, aut Regula dioptrica in latere recto Scalae Altimetrae divisae in partes 12, dum per dioptras Quadrati penduli aut excipitur redius Solis Lunaeve lucentis, aut inspicitur fastigium altitudinis perpendiculariter erectae, prout explicavimus capite praecedenti, Propos.2, et mox iterum explicabimus.
Altera columna transversa continet proportionem umbrae rectae com altitudinibus perpendicularibus umbram projicientibus. Nam si perpendiculum aut Regula ex latere recto Scalae Altimetrae abscindit partes duas, umbra est sextuplo minor suo umbroso perpendiculariter erecto; si abscindit partes tres, umbra est quadruplo minor; si partes quatuor, triplo est minor umbra,et sic de reliquis, prout in dicta columna secunda indicatur.
Ratio hujus rei est, quia uti ex dictis capite praecedenti Proposit.2. patet, quoties in dimensione altitudinum cadit perpendiculum Quadrati penduli, aut Regula dioptrica Quadrati stabilis, in latus rectum, umbra rerum erectarum orthogonaliter est minor suo umbroso juxta illam proportione, quam habent partes abscissae ad latus totum duodecim partium. Sicut ergo partes duae sunt sextuplo minores quam duodecim, et partes tres quadruplo minores,et partes quatuor triplo monores, et partes quinque;duplo minores ac insuper duab duodecimis, et partes sex duplo praecise minores,et partes septem semel et insuper quinq; duodecimis,etc. minores