Page:Organum mathematicum libris IX. explicatum (1668).djvu/121

§. II. Divisio.

Sint 360 dividenda per 6; sic age. Accipe divisorem in Tabella hoc numero signata, et vide primo quoties 6 contineantur in 36 et invenies in descensu Tabulae 36 occupare sextum locum pone itaque seorsim 6. Deinde promoto divisore vide,quoties in suprascripto contineatur: et quoniam non nisi zyphra superest pone zyphram seorsim post 6; et quotiens erit 60; totoes enim continetur in 360.

Operatio

Haud secus in omnibus aliis numeris per quoscunque alios dividendis procedes.

§. III. Extractio Radicis Quadratae

In hoc loculamento inveniantur duae Tabellae nigro (albo) coloreimbutae, quarum una continet extractionem Radicis Quadratae, altera Cubicae. Quomodo in utrauqe procedendum sit, paucis accipe.

Exemplum Radicis Quadratae.

Si extrahenda radix Quadrata ex 144; sic age. Signetur numerus primo suis punctus, ponendo unum punctum sub prima ad dexteram figura, et aliud sub tertia, etc. prout factum vides in posito exemplo. Hoc peracto, vide in Tabellae prima columna, quae sit radix primi membri a sinistra incipiendo, et invenies radice esse 1. Subtracto itaque 1 ab 1, cum nihil remaneat, deletis iis,duplica 1, et fient 2; quem numerum ''suppones sub 4, et divisis 4 per 2, proveniunt 2; quae pones post 1, eademque sub ultimo 4. Ductis igitur 2 in 22, prodeunt 44; qui a superioribus subducti nil relinquunt. Erit itaque numeri 144, radix 12. Operatio sequitur.

◅▻