Page:Organum mathematicum libris IX. explicatum (1668).djvu/117

From GATE
Revision as of 14:41, 22 January 2020 by Irene Pedretti (talk | contribs)
This page has not been proofread


Tertio duae aliae latiores Tabellae, quarum singulae sunt divisae ab Auctore intres utraque ex parte columnas, et in aequalia cum praecedentibus quadratula, nullis penitus diagonalibus dissecta, ac certis numeris insignita. Destinatae sunt ab Auctore pro Extractione Radicis Quadratae, et Cunicae.
Nos illas formavimus, divisimus, ac numeris insignivimus, prout in citato Iconismo II. hic posito apparet, paulo aliter nimirum quam Auctor, quoniam in una illarum numeri erant falso positi, et haec nostra forma commodior est, ut infra patebit. Primam nostrarum vocamus Extractoriam Radicis Quadratae, secundam Extractoriam Radicis Cubicae, quoniam ad illarum Radicum extractionem destinatae sunt. In primae Tabellae columna dextima continentur novem primae radices totidem primorum quadratorum numerorum; in media duplum dictarum radicum; in finistima novem primi numeri quadrati. In secundae Tabellae columna dextima continentur ut antea novem primae radices Quadratae, quae etiam sunt primae radices Cubicae; in sequenti penultima columna novem primi Quadrati numeri; in reliquis duabus primi novem Cubici.
In altera utriusque Tabellae facie apud Auctorem continuantur numeri singularum columnarum, usque ad vigesimam exclusive radicem, quadratum, et cubum: sed hoc ad operationes instituendas non est necessarium; ideo unica facie contenti fuimus.
Tabellarum Arithmeticarum supremi vertices, distinctionis gratia, imbuti sunt colore rubro; Applicatoriae colore nigro; Extractoriarum colore albo.

Tabellarum Arithmeticarum facies anterior insignita est apud Auctorem iisdem prorsus numeris, quos praesens Iconismus II. exhibet. Faciei posteriori earundem Tabellarum inscribi possunt quicunque numeri ex illis, qui anteriori inscripti sunt, dummodo in singulis diverii sint ab illis, qui in anteriori sunt. Volo dicere, si anterior facies gerit in vertice numerum 2 cum reliquis descendentibus, posterior facies non gerat in vertice eundem numerum 2, sed vel 3, vel 4, vel 5, etc. Causa est, quod tunc quae libet Tabella aequi valere potest inter operandum duabus Tabellis, ut