Page:Organum mathematicum libris IX. explicatum (1668).djvu/1081

lineae et spatia Baculi omnibus reliquis lineis et spatiis pentagrammorum palimpsesti. Quo facto, vide, ut antea, in quas lineas et spatia pentagrammorum reliquarum trium Vocum (Tenoris, Alti et Cantus) cadant puncta reliqua Baculi, et uni pentagrammo imprime punctum cum numero 3, alteri punctum cum numero 5, tertio punctum cum numero 8;et habebis tres consonantias secundae notae Bassi superstructas,prout apparet in columna A ejusdem sequentis palimpsesti.
His etiam factis, perge ad tertiam notam Bassi: quae quia est in spatio F infra lineam infimam sui pentagrammi, accipe Baculum F,et applica palimpsesto, ut infima linea Baculi congruat infimae lineae palimpsesti, et consequenter omnes reliquae lineae et spatia Baculi omnibus reliquis lineis et spatiis palimpsesti. Tum vide, in quas lineas and in quae spatia palimpsesti cadant puncta reliqua Baculi F, et in uno pentagrammo nota, ut antea, punctum cum numero 3, in alio puncrum cum numero 5, in tertio punctum cum numero 8; et habebis iterum tres consonantias tertiae notae Bassi superstructas, ut apparet in tertia columna seu discrimine sequentis palimpsesti.
Hoc modo procedes, donec omnibus Bassi notis superstruxeris puncta harmonica reliquarum trium Vocum, accipiendo bis Baculum C, propter duas notas Bassi in spatio C positas, et bis Baculum F, propter suas notas in spatio et linea F, propter notas in B, C, et F in pentagrammo Bassi existentes. Erunt itaque omnia puncta omnibus pentagrammis impressa,et stabunt, uti in palimpsesto sequenti apparet. Quarto. Impressis omnibus punctis in reliquis tribus Vocibus, superinduc illis notas easdem, quae in Basso sunt; et habebis melothesiam ope Baculorum melotheticorum perfectam; melothesiam inquam Contrapuncti simplicis. Notae ergo musicae tam in Bassi, quam in reliquarum trium Vocum pentagrammis stabunt, uti apparet in schemate palimpsesti, quod sequitur.

◅▻