Page:Obelisci Aegyptiaci Interpretatio hieroglyphica 1666.pdf/88

quia illud notat, colore fuo igneo principium actinum rerum, hoc verò humiditate sua passinum. Unde cunctorum, quae in inferiori Mundo spectantur, genesis, ortum suum habet. Fons itaque sive eparisterii phiala Cruce signata notat beneficia, quae iam per expositos Genios Mundos et 4 elementis per 4. Mundi partes diffulis, communicantur. Quae in oraculis Zoroastris, paene ad oculum demonstrantur; fie enim ait Zoroaster de vitigeneo fonte loquens: Fons fontium, et fontium cunctorum matrix, continens omnia, unde affatim exilit generatio multifariae materiae; inde tractus praester subtilis, ignis flos, mundorum indens cavitatibus omnia, namque inde, cum incipit deorsum tendere radios admirandus; Et deinde ipsas intelligentias describens paulò ante expositas dicit: Est enim quoddam intelligibile (id est Numen supremum) quod te oportet intelligere mentis flore (id est per abstractum et purificatum intellectum). Est et roboris circumquaque lucida potentia mentalibus fulgens sectionibus (quas nota A exprimit) induta igne, ignem vinculorum, ut temperet fontanos crateres, et amore impleat omnia, examinibus feruntur similes, prorumpunt per Mundi corpora. Habes hic Lector paucis pro vastitate materiae eparisterii sine fontis Hecatini mysteria exposita, qui plura desiderat, is adeat nostram sphyngen mystagogam, ubi Tom. II. Oed.fol.335. omnia penitus evoluta raperiet.
Sequitur hoc X Niloticum, litera V. signata figura, quam imperfectam, uti multa alia Hieroglyptae reliquerunt; nil tamen aliud est, quam funis mystica quadam ratione in figuram praesentem contortus, quò Typhoniam vim Osiri adversam impediri, et ne noceret, quodammodo ligari putabant; quemadmodum in Obelisco Pamphilio exposuimus: fiebatque ex papyro et iunco Nili fructibus; et ne quicquam mysteriorum abesset; in eparysterii praecedentis quatuor Vaforum figuram contortus fuit. Nam ut rectè Pierius: Aegyptii ut omnia mysterica, quadam ratione sibi constarent, non animalia tantùm, fed et adeò instrumenta ipsa, quae in usum sacrorum adhibebantur, in hieroglyphicorum album receperunt; Sunt ea varii generis: quaedam in ornamenta capitis symbolica cedebant sacrorum simulacrorum, uti tutuli, struppi, cidares, tiarae, è variis materiis confectae; nonnulla manibus inserebantur Deorum, uti baculi, sceptra, tauticus character, sistra, aliaque innumera, quae pro diversitate Numinum, è diversa quoque materia fiebant; de quibus vide hierohrammatismum vegetabilium de sceptris et thryso in Obelisco Pamph. Erant praetereà variae ararum sediumque formae, quibus insidentia Numina veluti potestate suprema praedita, rerum potiri videbantur. Quorum quidem omnium rationes mysticae Libro V. et in Tabulae Bembinae interpretatione, ubi fumma cum varietate exhibentur, explicatae sunt, ut proindè supervacauetem esse ratus sim, hoc loco peculiares de iisdem hierogrammatismos attexere.
Denique Kyriologica hieroglyphica ea dicuntur, quae ipsis rebus
appro-

◅▻