Page:Obelisci Aegyptiaci Interpretatio hieroglyphica 1666.pdf/161

From GATE
This page has not been proofread


Ibisormis statuae praestanda; Limbus lapidis quibus simulacrum includebatur, plenus est hireoglyphicis; quae tamen ferè paucis exceptis, uti eadem, quae in limbo vestis iam exposuimus, continet, ita quoque supervacaneum esse duxi, iis exponendis immorari. Quid enim piscis symbolum expresserit, quid baculi incurvati, quid papilio dracontomorphos, quid Ibis, et accipiter, quid hydroschema, iam in praecendtibus docuimus. Fuit itaque hoc simulacrum Isiacum, quod per sacrificia solita veneratione cultum, necnon characterum symbolicorum virtute et efficacia Numina Geniosque averruncos contra adversas potestates mirisicé allici attrahique superstitiosus credebant. Sed haec de Idoli huius hieroglyphici significatione sufficiant. Qui singulorum interpretationem susiorem??? desiderat, ei ut Oedipum Aegyptiacum; et Artem nostram hieroglyphicam, quam secundae Oedipi editioni, Deo dante reservavimus, adeat consulam, ubi omnia novo artificio combinata reperiet.