Page:FC 1042.djvu/397

From GATE
The printable version is no longer supported and may have rendering errors. Please update your browser bookmarks and please use the default browser print function instead.
This page has not been proofread



f. 191r



cum ipsae sunt spirituales, et per Spiritum Sanctum suggeruntur. Hic quoque notaui modum quo tam saepe sensi carnalia carnaliter, et in carne. Aliquando autem contingit[1], quod carnalia per carnem sentiantur in carne aliquando uero[2] quod carnalia per spiritum malum sentiantur in carne aliquando[3] quod carnalia sentiantur per eumdem malum spiritum in ipso spiritu uitali, aut animali, aut etiam rationali ipsius hominis. Possunt quoque spiritualia quandoque satis carnaliter per spiritum satis carnalem apprehendi sicut corporalia spiritualiter contingit intelligi et sentiri. Rogandus est igitur maxime Spiritus Sanctus, ut ipse dignetur moderari omnem spiritum in nobis id est tam eum spiritum in quo uita in nobis administratur, et etiam[4] eum in quo sensualis[5] causatur, quam eum spiritum[6] per quem cogitationes, et[7] affectus percurantur[8]. Idque fiat donec ueniat tempus illud, et illa foelicitas cum Deus erit omnia in omnibus et[9] percipietur[10] etc.[11]

_______________

  1. contingit] add. hoc sic MF
  2. uero] om. MF
  3. aliquando] add. uero MF
  4. etiam] om. MF
  5. sensualis] sensatio MF
  6. spiritum] ipsum MF
  7. et] ac MF
  8. percurantur] procurantur MF
  9. et] ac MF
  10. percipietur] perspicietur MF
  11. etc.] om. MF