Page:EBC 1619 ca 2178.pdf/12

quosvis orthodoxos garrulitas, irrisio, oblectatio. Rident enim et exultant, cum vident inter catholicos oriri jurgia, eosque invicem discrepare et digladiari: et praesertim cum res ab omni aevo tradita, probata, eredita, ab ipsismet impugnatur. Hoc volunt, hoc oprtant, in hoc garriunt. In hac enim aetate versamur quaehujusmodi progeniem, novitatis curiosiorem, et studiosiorem tulit !
Ecquis jam (inquiunt) est ille Martialis, quem ad haec usque tempora Aquitani et praesertim Lemovicenses ut Apostolum coluere? En Illustrissimus Bellarminus (S. Gregorium Turonensem tacebunt, explosum enim esse sciunt) qui hunc discipulum improbat? Quid ultra? nunquid ergo, et aliae aliorum sanctorum frustra coluntur reliquiae? hoc equidem dicent, et pejora obloquentur, omnemque si possint sanctorum venerationem eradere conabuntur. Sicque eorum inrisioni omnis devotorum oatholicorum patebit pietas. Nec vero existimamus ignorare Illustrissimam Dominationem vestram, qualia sint tempora, in Galliis maxime. Etenim apud nos, ita deploranti ac calamitosi sunt dies, miserarumque tempestatum aerumnae, ut undique circumstent et circumeant innumeri qui cum Catholicorum nomine se insigniant, nec Calvinismum aut aliam haeresim se dicant sapere: fautores tamen sunt haereticorum, politici, falsi fratres, ad libitum de rebus sacris et Ecclesiasticis, aut ex divinis sentientes prope ad atheismum accedentes, qui vaticinio Apostolico,quaecumque ignorant blasphemant; quae autem naturaliter tanquam bruta animalia norunt in his oorrumpuntur. Ac denique qui haereticis ipsis famuantes, aut eis pejores, nihil aliud quaerunt, nihil appetunt, quam omnia diruere ac perturbare; optimarum animarum pietati illudere, et prima haereseon semina in mentes fidelium jactitare. Quid ergo hi ex istis concertationibus inferent? nonne erumpent? nonne exurgent in nos velocius? arma siquidem eis suppeditabuntur; et a quibus? ab ipsismet!
Sed dilabimur ad haereticos, quibus heu! circumdamur et circumvolvimur omni ex parte quid dicent ipsi? verum quid ipsis dicemus aut quid respondebimus? Cum objicient argumento velut ad hominem; vester Bellarminus haec alt, traditiones tollit, has reprimit et rejicit? Quid, inquient, arguimur, si quod ipsi vestri faciunt hoc faciamus? Cur caeteris caeterarum rerum assentiamur Traditionibus, si tam prae caeteris veterem, et tam per Gallias hjactatam de S.Martiale traditionem non nos sed vestri improbant? Sicque ita debacchantur in nos, non suis tantum machinis, sed tua ipsa, male tamen ab eis intellecta authoritate fulti, et a Criticorum et novatorum praedictorum in nos persecutionibus potissimum concitati.
Et quamvis ita dicturis, quid respondeamus nobis plus quam supersit
---page break---