Page:EBC 1619 05 04 2106.pdf/1

From GATE
Revision as of 13:37, 6 May 2020 by ArchivesPUG (talk | contribs) (→‎top: added Template:TurnPage, replaced: <references/> → <references/> {{TurnPage}})
(diff) ← Older revision | Latest revision (diff) | Newer revision → (diff)
This page has been proofread


Salutem et obedientiam.
Illustrissime Domine Cardinalis Protector
Auditis rumoribus prius, postea rei veritate comperta de nova iterataque toties, etsi pluries abrenuntiata appellatione patris f.Caroli Campigni ad Summum Pontificem, de hac commonere illustrissimam dominationem vestram operae pretium duxi. Cujus rei tandem recuperato instrumento ad R.dissimum Abbatem Generalem nostrum transmitto, ut per illud videre possitis quanta sit hominis calliditas et animi duplicitas, qui rebus omnibus pacatis, omnium proborum applausu, factaque a se in generali Capitalo praesente et praesidente R.dissimo Abbate Generali ac Sanctissimi Domini Papae commissario delegato et ab Illustrissima Dominatione Vestra deputato adstantibus, item omnibus Venerabilibus totius Capitali Generalis patribus eadem auctoritate celebrato, publica solennique, sed smentita, ut ipse fatetur, renunciatione: et hinc omnimoda ratione rerum praeteritarum publicata abolitione, pacis osculo dato inquam et accepto, scripto etiam ab eodem R.dissimo et R.p. Provinciali autentico instrumento et diplomate per quod omnium antiquorum provincialium gratias et privilegia ad famae et honoris sufficientem reparationem obtinebat. Iterum post requisitam et acceptam a Sanctissimo domino nostro papa, quem Deus nobis diu salvum Ecclesiaeque suae sanctae incolumem conservet, ab ordine nostro absolutionem et ad alium transeundi dispensationem et eo fine jam a nobis exierit prae nimia mentis inquietudine novos molitur noxios nimium conatus: potitus denuo sibi dari in partibus novos judices et iterato ordinem nostrum sub vostro moderamine pacatum turbare et omnia pacis jurata jura contundere disrumpereque. Rogamus igitur illustrissimam dominationem vestram, sub cujus protectione confugimus, quatenus dictus p. Campigny novarum litium autor apud Summum Pontificem minime audiatur, imo sub gravi censura
---page break---