Page:EBC 1618 02 20 1976.pdf/3

potest intelligi ex numero annorum notatorum. [Ad octavum,in quo petitur, an quod statuit regula tertia Indicis de versionibus scriptorum ecclesiasticorum ab authoribus damnatis editis, intelligendum sit de versionibus editis ante promulgationem Indicis: an etiam de edendis in posterum. Respondit Sacra Congregatio, intelligendum es se de utrisque, cum eadem sit omnino ratio. [Ad nonum,in quo petitur, an quod in regula tertia de versionibus scriptorum ecclesiasticorum ab haereticis editis, intelligatur etiam de editis ab haeresiarchis. Respondit Sacra Congregatio, non intelligi: id enim repugnaret regulae praecedenti, in qua prohibentur haeresiarcharum quaecumque scripta, quocumque nomine, titulo, aut argumento edantur. [Ad decimum circa regulam quartam Indicis in quo petitur, utrum permitti possint aliquae partes sacrae Scripturae conversai in sermonem vulgarem, dummodo subsequatur commentarius in eadem lingua vulgari. Respondit Sacra Congregatio, id permitti posse, si pars illa Scripturae sit modica, et statim sequatur explicatio; quare permitti non poterit, ut libar integer, aut etiam integrum caput Scripturae conversum in linguam vulgarem edatur, etiamsi commentarium in eadem lingua statim addatur. proinde tolerandum non esset, ut quis libros Moralium sancti Gregorii, sine faoultate superiorum lingua vulgari legi posset. [Ad undecimum in quo petebatur, an libar secundum regulam octabam Indicis correctus auctoritate alicujus Inquisitionis generalis possit ubique legi, an solum in locis illi Inquisitori subjectis: respondit Sacra Congregatio, librum ejusmodi ubique legi posse; sic enim sonant verba regulae. [Ad duodecimum in quo petitur, quo pacto intelligenda sit regula nona, quae prohibet libros astrologicos: respondit Sacra Congregatio commentarium hujus regulae petendum esse à Constitutione Sixti Quinti summi Pontificis, quae circa judiciariam astrologiam omnino servanda est. [ Atque haec sunt, quae Ill.mi et R.mi Domini et Collegae mei simul congregati censuerunt esse respondenda ad dubitationes
---page break---