Page:EBC 1617 09 15 1906.pdf/1

From GATE
Revision as of 12:03, 22 November 2019 by Cristina Berna (talk | contribs)
This page has been proofread


Roberto Bellarmino Card. Romam.
Ill.me et R.me Domine,
Sacris Virginibus Ordinis B.V. Marine à B. Joanna instituti, earumque patribus spiritualibus Minoritis, Ill.mae G.V. de ipsarum officiis responsum exhibui, atque alias transmissa in Urbem fuisse officia agnoverunt: sed tum se postulasse inquiunt, ut non tantum quatuor festa, sed eorumdem etiam festorum octavas celebrarent, addita insuper octava de Annuntiatione a qua vulgo Virgines Annuntiatae appellantur, quae octavae ferialia Breviari! Romani officia magna ex parte exclusissent. At modo quatuor tantum festorum officia propria approbari rogant, quae ex regulae suae praescripto, a Summis olim Pontificibus approbatae celebrare quodummodo tenentur: nec quidem hactenus celebrare ea desierunt, desumpto officio ex communi Sanctorum, vel ex festivitate B.V. Mariae ad nives; idque ex concessione nuncii cujusdam Apostolici in Belgio. Quare cum nulla alia propria festa habeant Marianae hae Virgines, quam haec quatuor, et de eorum octavis cogitationem modo omittant, a Sanctissimo Pontifico, ill.mae G.V. interventu, hanc gratiam impetraturas se confidunt, ut et regulae suae praescripto et antiquae devotioni suae liberius satisfaciant. Itaque Ill.ma G.V. mihi ignoscat, si iterum pro sacris his Virginibus sum molestus: nam licet crebra B.mae Virginia in Romano officio festivitas occurrat; tamen salvo S. Apostolicae Sedia judicio, aliquod hic privilegium Marianus ordo mereri videtur. Vale Ill.me et R.me Domine, magno Ecclesiae catholicae bono. Antverpiae, in officina plantiniana. XV Sept. M.DC.XVII.