Page:EBC 1614 09 26 2622b.pdf/1

From GATE
This page has been proofread


Die 26. Septembris 1614. fer.vi in domo Novitiorum Sancii Andreae degens, et exercitiis spiritualibus vacane, matura praehabita deliberatione, in sacrificio Missae, cum sumpturus essem Sanctissimum Domini Nostri Corpus, votum vovi Domino in hac firma.
Ego Robertus Cardinalis Bellarminus è Societate lesu, Religiosus professus, Voveo Deo omnipotenti, in conspectu Beatae Virginia Mariae, et totius caelestis Curiae, quod si forte (quod non cupio, et precor Deum, ut non accidat) ad Pontificatum assumptus fuero, neminem ex consanguineis vel affinibus meis exaltabo ad Cardinalatum, vel temporalem Principatum, vel Ducatum, vel Comitatum, vel quemcumque titulum: neque eos ditabo; sed solum eos adiuvabo, ut in statu suo civili, commodè vivere possint.
Amen. Amen.
Hoc votum feci, non quod damnem eos Pontifices, qui consanguineos, vel affines idoneos, et dignos, ad Cardinalatum evexerunt; Sed quia existimavi haec tempora ita requirere, ad maiorem Dei gloriam, et Ecclesiae faciliorem reformationem, et Sanctae Fidei propagationem.