Page:EBC 1610 12 31 2594.pdf/1

From GATE
Revision as of 09:30, 17 October 2019 by Cristina Berna (talk | contribs)
This page has been proofread


Admodum R.de Pater.
Admonuit me R.mus P. Generalis nostrae Societatis, ut scriberem R.V. quid sentirem de opinione illa, qua docet, praedestinationem divinam pendere ex praevisione bonorum operum non sine gratia praeveniente factorum. Id ego libenter faciam tum quia spero R.V. in bonam partem id acoepturam, tum ut P.Generali obsequar. Ego ex controversia quae olim fuit cum Academia Lovaniensi, existimabam sententiam R.V. esse, praedestinationem ad gloriam pendere ex operibus praevisis, praedestinationem autem ad gratiam efficavem infallibiliter salvantem esse ex mera Dei voluntate, et in hoc sensu hic ego, scriptis etiam opusculis, defendi R.V. apud Cardinalem Madrutium piae memoriae, qui Academiae Lovaniensi favebat, et tandem obtinuimus Breve Sixti V quo repressa fuit persecutio, ut sic loquar, Academiae centra Societatem.
At ex libro R.V. nuper edito, non sine admiratione cognovi sententiam R.V. esse, ut praedestinatio etiam absolute et simpliciter pendeat ex prae visione operum, ut non praedestinatio, sed praescientia solum proprie dici possit. Obsecro autem R.V. ut consideret capita sequentia:
1° Sententiam praedestinationis mere gratuitae in S. Augustino esse tam apertam et manifestam ut dubitari de ea re non possit nisi ab iis qui Augustinum non legerunt. Profert quidem R.V. panca quaedam loca partim ex libris qui non sunt Augustini, partim ex libris Augustini, sed per consequentiam necessariam non deducta, cum in ipso Angustino sint infinita loca per expressa verba contrarium clamantia. Placet autem panca ex multis annotare. Videat epistolas 46, 105, 106, 107, 148; ad Simplicianum q.II; De Peccatorum meritis et remissione lib.1, cap.21 et 22; ad Bonifacium lib II c.6 et 7; De praedestinatione Sanctorum c.12 et 14; De dono perseverantiae c.19, 20, 21; Contra Julianum lib.I c.3 et lib.VI c.8; De correptione et gratia c.2 et 13; in Enchiridio c.99 et 100.
Ex quibus locis in lib.De correptione et gratia c.7 posteaquam dixerat, slectos non ex meritis, sed ex misericordia Dei separatos esse a reprobis, addit, eos electos esse ad regnandum cum Christo, et c.13 dicit praedestitos esse in regnum Dei. Ne quis forte dicat ex Augustine praedestinationem
---page break---