Page:EBC 1603 05 30 0346.pdf/1

From GATE
Revision as of 21:52, 21 June 2019 by Jan Machielsen (talk | contribs) (very minor edit)
This page has been proofread

Illustrissime Princeps. Nescio quid sinistri audieram de successa belli Hungarici circa personam vestram; sed humanissimae, gratissimaeque litterae, quas nudius tertius accepi, omnem moerorem meum ex falso rumore conceptum penitus absterserunt. Gratulor itaque primum D.V. Illustrissimae reditum incolumem in patriam; gratulor deinde invictam patientiam in rebus adversis, quae sine dubio clementissimus Pater noster Deus permittit, ut probatio vestrae fidei, ut loquitur sanctus Petrus, multo preciosior auro, quod per ignem probatur, inveniatur in laudem,et gloriam, et honorem in revelatione Iesu Christi.[1] Quod mihi D.V. gratias agat, nulla causa est, cum plane sit exiguum, quod in gratiam vestram feci. Opto mihi dari occasionem multo plura et malora praestandi. Interea non intermittam preces, et sacrificia pro D.V. Illustrissima, lectissima piissimaque coniuge, et universa ditione ac provincia divinitus vobis commissa. Capuae die 30 Maii l603.

  1. Adapted from 1 Peter 1:7.