Illus et R. Domine frater.
Non erat necesse, ut D.V. R.ma laborem susciperet mihi per litteras gratias agendi. Quod enim debui facere, feci, et moleste fero, quod non amplius potuerim. Scripsit ad me P. Richardus Gibbonus[1], cupere D.V. introducere in suam Ecclesiam usum recitandi horas secundum Breviarium Romanum, sed illud obstare,quod aliquot canonici repugnaturi videantur. Egi oum Sanctissimo Patre nostro Clemente Pont. Maximo ut declararet per universum Capituium, cuius consensum requirit epistola Pii V, intelligi duas tertias partes Canonicorum, vel certe dispensaret hac vice, et permitteret recipi in episcopatu Atrebatensi Romanum Breviarium consentientibus duabus tertiis partibus Capitali. Pontifex remisit hoc negocium ad congregationem quamdam, in qua ego etiam interesse soleo. Sed interim, dum haec res expeditur, placet Sanctitati auae, ut D.V. R.ma privatim recitare possit horas canonicas secundum usum Romani Breviarii. Memor sit mei D.V. in sanctis precibus suis, et alacriter pergat in grege dominion pascendo, quo opere nullum gratius fieri potest D.no N.ro Jesu Christo, qui proprio sanguine oves suas redemit. Romae, die 24 ianuarii 1602.
