Page:EBC 1602 01 12 0216.pdf/1

From GATE
This page has been proofread

Ser.me Princeps.
Quod Serenitas veatra oratori suo, ad Summum Pontificem misso dederit in mandatis, ut meam quoque humilitatem inviseret, gratias ago maximas tum ipsi vestrae Serenitati, tum etiam toti inclytae Reipublicae. Nobilissimus eques Franciscus Vendramenus quod sibi fuerat iniunctum accurate peregit; meque de propensa voluntate Serenitatis vestrae erga meam personam pluribus verbis reddidit certiorem. Ego vero et ipsi oratori coram demonstravi, quanto studio flagrem aliquam navandi operam in vestrae Serenitatis obsequium, et id ipsum absens bisce literis testatum esse volui. Deus Optimus Maximus Serenitatem Vestram ad istius antiquissimae,et gloriosissimae Reip.rutilitatem diu servet incolumem. Romae XII Januarii 1602.
Ser.mae celsitudinis V.rae
Servitor
Card. Bellarminus.
Dux Venetiarum.
Ser.mo D.no Venetiarum Duci D.no meo observand.mo